سمر مجمع 2

استعرض الموضوع السابق استعرض الموضوع التالي اذهب الى الأسفل

سمر مجمع 2

مُساهمة من طرف طارق عصفورة في الإثنين 1 مارس - 23:20

الداخلة :
أيام بتجمعنا بعد الفراق
وحنين بيرجعنا بالاشتياق
ونعود فى قلوبنا وعود
وكلام موجود مش راح ننساه
ونغنى نقول يا أحلى الأوقات
نرجع تانى وتضمينا
على أرض النور هنقضى ساعات
ارض القاهرة أجمل ميناء
ويا نور البدر يا صافى
يا منور قلبنا ودافى
أمانة عليك بلاش فرقة
ده إحنا بنتجمع على ضيك
حوار :
فى سمرنا اللي فات أتكلمنا عن التعديلات والسنة دي هنتكلم عن " هوسسسسسسسس " وهى دى اصل الحاجات .
حاجات وجعانا ومرجعانا ورا كل الترتيبات وعيون معصومة على كلمة مغصوبة مش مالكة حق القول غير أه مغلوبة .
وأنا فكرى متحير وكلامى مش منى وكل مل اتغير ارجع غصب عنى لكلام مهوش منى ونهاية مكتوبة .
رابطة السمر:
هنقدم ليكم فى سمرنا
افكار ماهيش من افكارنا
واحترنا ياما ياما احترنا
لحد ما رضينا واختارنا
نلبس وشوش ونعيش بيها
ومن الوحوش ندارى فيها
وما تسألوش
على اللى جرالنا
واللى صوته فى قلبه غريب
واللى ماله فى بلده حبيب
واللى عايش حلم صغير
كلمة لأ فينا تغير
كل شئ حوالينا اتغير
واحنا لأ ما أتغيرنا
لحــــــــن
حوار :
الكلام عنى أنا وكلامى عن كل البشر عن اللى غمض عينيه .
وساب نفسه وقال ده قدر . قالوا سلملنا نفسك قولت أنا ماشى ميجراشى ومين بالخير ما يرضاشى ميجراشى .
كل ما أحكم نفسى بنفسى وأملك انا زمام نفسى بصيت لقيت لا حكمت نفسى بنفسى ولا بقيت انا نفسى .
قالوا فى ارض بور وعشان ما تتصلح لازم لها ساقية تدور والساقية موجودة ولازملها طور وعرفت مين عايزني أكون قلت لأ لازم أرفض وأثور لأجل ما ينكشف المستور ومبقاش أن ..... ولا يبقى ليا فى الساقية دور.
التعريف :
لحن
أشباح فى دنيا البنى آدمبن
أصل وصورة يا تجاريين
مستقبلنا براح
سعادة وانشراح
والله دى تبقى غريبة لو يوم
شفنا ديك نطاح
هس
الكلام ده مش مباح
لحن
قائدنا محمد يس
لا أنتمى لهذا الجيل
يا زعيم العشة أديك
جت فرصة وبقيت ديك
فيرو الأنفلوانزا إزاى
عدى هنا وناسيك
هطس هطس .. يرحمكم الله
لحن
أحمد عبده وفد متين
وشه اصفر في يوم صفريــن
ياخوانا انا عاوز امبوه
دا طارق اخـوه
كتكوت كان نفسه يكبر
بس نسيـوا يزغطـــــوه
ياخونه
لحن
ظاظا وحسنى اتوبيس
خايفين لا يضيعوا منا فطيس
دا المصـل طلع مغشـوش
دا دهنوا ماشـــربهــوش
نصحى طلـــب من تيكـا
سندوتـش فول مدشـــوش
ارحمنى سبنى اعيش ماتكولنيش
هم هم
لحن
شعبان واحمد وعبدالرحمن
افلنا العشه ومعانا مفتاح
ابو العربى سعيد
طهرت انا بور سعيد
عبد الرحمن من زمان
ركب عرف جديد
كو كو
لحن
حسن دايما عنده مانع
يسرى بيقول عليه مزارع
طارق وريمون ريحانى
دائما على طول فى نقارى
ابو اليزيد جايب اكيد
اكله معاه فى شكارة
بس يا بني انت وهو
انا ابو اليزيد بلعب حديد
ملاقيش عندك شيكارة بالحجم ده
لا و لا الحجم ده لا
يا خسارة يا خسارة
لحن
رابطة الدينية :
لحن
الصمت يسرخ فينا الصمت
يصحى فينا الخوف
فتح عينك وشوف
ليه تغمى عنيك
دا الظلم جبان
والحق دا طير وملوش سجان
حوار
بصى ياعين , من بين خيوط الظلمة خيط نورو منور من بعيد مستني منى بس حاجة ، وانا كلمتى فى الحلق واقفة عيزة واقفة ، عيزة حاجة
سبوا الرسول انا قلت جت بس الغريب ما عملت حاجة وفتلت كدة ولا قلت حاجة
الدينية :
زاد فينا الندم لما انكتم جوانا كلام
فاض بنا الالم لما اترسم نبينا الامام
عليك افضل سلام يارسول الله
النصرة يامة الاسلام لرسول الله
فين رحمتم فين ولية سكتين
دة عليكم دين فين حق الله
لحن
ساكن هنا فين قلينا
وكل جحر وشق
ادان ربنا بيلمنا
علي صلاة الحق
عليك افضل سلام يارسول الله
النصرة يامة الاسلام لرسول الله
فين رحمتم فين ولية سكتين
دة عليكم دين فين حق الله
الصيحة :
اسوار عين شمس تجمع شملنا
عشقين عين شمس لأخر عمرنا
الصفارة
السقفة
الكشفية :
لحن
مهما تغيب شمسنا تتنده تلقينا والشوق في عنينا
صوت جامعتنا ينادي جاي من الوادي بينده علينا
لبينا نداكي علي طول ياعين شمسنا يامنارة ونور
من غير احزان جايين بسلام رافعين اعلام حبك علي طول
لحن
صوت يعلي في قلبنا ويرد علينا وصداه يلاقينا
شمسك حضن سفينة ياأجمل مينا بنرسى عليها
دقات قلبي تدوب مع صوت دقماق من قبل وصول
خدمتنا العامة في قلوبنا نلبي نداها بشوق موصول
لحن
اللعبة
الاسكتش
حوار :
المسرحية هي هي فلم داير لعبة علي الكيف بالخلايق والمصاير وبشر بتصرخ لاء
ولاء بتطلع منها اه واها تيها في دروب الحياة
لبسنا وش العجز والوش صار مكشوف وخفينا تحت الوش وش مضروب بالكفوف
وش ميت من الفزع منحوت في شكل الخوف
رابطة الوطنية :
بلدي ايوة بحبك لكن بيصعب عليا
بتغرب وسط اهلك واعيش في الغمة دية
وانا كل زنبي اني حلمت اعل بيكي لفوق
وجهتني رياح غدر قوية مقتردش منها افوق
واتحول الحلم لكبوس صورته ما فرقت عنيا
حوار :
كابوس مولود من حلم متكسر ومتأثر واه من قلب متحسر علي دمعة جريت علي خدك دمعة تتحجر
والشمس فرقت سماكي والليل في العمر بقصر وامتا ياطيبة تتكسر قيود خوفك ولقي الراحة في كفوفك
ويدور عليكي من شمس بكرة قرصها الاصفر يغزل صفار رملك بلون الحياة الاخضر
الوطنية :
ويدور عليكي يامصر شعاع النور
يغزل عقد لسماكي ويزوقا ببنور
لحن
بلدي يادرة غالية بتنور كل حياتي
بلدي ياتلة عالية وبتسهرفيها ليلتي
بلدي ياورة نادية انتي الحاضر والاتي
لازمة
من بحري لقبلي ومن اسوان لاسكندرية
من توشكي لسيناء ولكل شبر فيكي ياغلية
شايل مراسيل حب وحنين من يجي سبعين مليون
جيل ورا جيل بيرد جميل لاجمل بلاد الكون
لازمة
حوار
سؤال مخنوق في حلقي نفسه يطلع للنهار لحد امته الصوت هيفضل ورا الف سور وجدر
امتي نشوف النهار ويكون لينا قرار لكن قرار مختار
رابطة الخفيفه :
توها وعايشين فيها ومش عارفين نصدق مين نكدب مين
حيرة فتاوي كتيرة ومش عارفين دول شيوخ او دجالين
والي يصدق وال يصرخ غثونا واحد ما صدق والثاني خايف علينا لايفتنونا
الثالث عايش في حاله مهما قالوا هو ماله
لا همه كبر اللاول ولا حتي نواح الثاني
حوار :
لما يكون السكات سجن للاحلام وتبعد المسافات وتكتر اللام لازم ننده بعلو الصوت لازم ينطق مابنا كلام
تندهلي مرة وأنتي عليك
الخفيفة :
تناديني اناديلك
سنين الشوق تغنيلك
لحن
بنادي عليك ما ترجعلي
حبيب الروح لو كنت سامعني
وصوت من الندا غني
اغاني الشوق ورجعني
وصوتي حزين
ولية بنده عليك وانتي بتمنعني
وصورتك جوه خيالي تعيش
معاي مبتسبنيش
وبحلم اني معاكي اعيش
ليالي هواكي وانا وياكي
جراح متكيش
ومهما تكون هواك عني بعيد راح اكون
معاك موجود يامالي عليا كل الكون
لحن
بعادك عني دوبنا
وشوقي ليك بيغلبني
ومش بلاقيك حنين
البعد بيقرب يعزبني
لازمة
ومهما يكون هواك في القلب فين ما تكون
وشوق العيون وخدني معاك لفين ما تكون
لحن
بنادي عليك ما ترجعلي
حبيب الروح لو كنت سامعني
رابطة تعارف الجوالات :
مش عارفين مين دة ومين دة
مش سامعين مين الي بينده
كلة لابس فوق وشوه وشوش
كله كلام وفعلما متلاقوش
عايزين يلابسونا الطربوش
حوار :
فيه وشوش وشوش وشوش فشوش وشوش تغطيها الرطوش وشوش لو شافت دي النهار تنهار وشوش من الحياة تبوش وفية روس نتباس وروس تنداس وروس ثالثة ولا الطربوش
فهمين اه فهمين لكن ما بيفهموش
تعارف الجولات :
لحن
بنات عين شمس ماركة ياباني تقفيل الصين
طالعين التجارية بيدوروا علي اوشين
تعليق لحن
زعيمتهم هي صافي بالظبط تقول جت لي
فاكرنها من هروشيما اتاريها ساكنه في عابدين
لحن
مها ويا سارة بيلعبوا بالنبوت
سارة عاملة سمكة ومها اخطبوط
لحن
ياسمين دايماً تندونة وعنيها ضيقين
ونوران دايماً مشغوله بجريدة من بكين
لحن
أميرة ويا ريهام رموا القنبلتين
سارة ناجازكي دماغها انقسمت نصفين
لحن
حوار :
واسئل سول تاني سؤال محيرني انا ممكن اتغير طب مين يغيرني ولحد امتي سكتي يجبرني علي اه مهياش اه وحكات كتير بالاه تفكرني
رابطة الخارجة :
ولحد امتي راح تتولد
ياحلم فينا من غيرجناح
ولحد امتي راح تتخنق
جوانا ياوسع البراح
لحن
حوار :
الحلم ممكن يتولد بيطير والضيق ممكن يصير براح ويصير حلمي الصغير بالعمار طيار بيرفرف علي كل دار لو نفك باب سجن الاسير وينطق الصوت وينفض تراب الموت وترد كلمه لاء كلمة لاء وتوضح التعبير
الخارجة :
حان الوداع يازمن
والدمع فينا اترسم
لحن
ياطير في السماء عالي ومهاجر
هتفضل بردة فاكر
احلي ايامك هنا
ياطير صوت قلبك عالي ووصلني
مش عايز يوم تسبنا
لاكن قدرك كدة
ويادنيا يادنيا طبعك زحام
بتدوري بينا وندور قوام
دوامتك فرقة والله حرام
تغرق مراسينا في بحور الام
لحن
ياشوق يامودع حلقة سمرنا
خليك فاكر قمرنا وفاكر لحننا
اكيد راح نرجع بالحب تاني
وقلوب فيها الاماني تتحقق جنبنا
لازمة
لحن
avatar
طارق عصفورة

عدد المساهمات : 570
تاريخ التسجيل : 16/02/2010
العمر : 22
الموقع : عين شمس _ القاهرة

الرجوع الى أعلى الصفحة اذهب الى الأسفل

رد: سمر مجمع 2

مُساهمة من طرف ahmed agogo في الجمعة 23 أبريل - 17:10

يبا طاروق انت مش محتاج انى اشكر فيك
avatar
ahmed agogo

عدد المساهمات : 26
تاريخ التسجيل : 21/04/2010
العمر : 21
الموقع : القاهرة

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى