هاكلمكم النهاردة عن الذاكرة.

استعرض الموضوع السابق استعرض الموضوع التالي اذهب الى الأسفل

هاكلمكم النهاردة عن الذاكرة.

مُساهمة من طرف yasser hosny في الإثنين 10 مايو - 22:39

الامتحانات قربت و كل سنة و انتم طيبين يا شباب ..

بالمناسبة دي
هاكلمكم النهاردة عن الذاكرة.

لو عايز تحسن ذاكرتك هاديلك شوية
حاجات قالتها مجلة

(Good Living-issue 11) ممكن تساعدك.. و أضفت
عليها

شوية حاجات كده, من وحي خبرتي في عالم المذاكرة:

الأكل:

لازم
تهتم بالأكل , و خصوصا الأكلات إلي ممكن تحسن أداء الذاكرة.. مثل :

التمر-
اللوز- الحليب- التفاح –العتب الغامق- و كل مشروبات الصويا..

و
كمان العسل و شاي الجنزبيل و عصير الجزر محفزات رائعة للذاكرة...




النوم:


فيه
بعض الأبحاث بتقول إن النوم هو مرحلة بيقوم فيها العقل بتثبيل المعلومات
إلي خدناها طول اليوم .. يعني يفضل سيادتك تنام بعد المذاكرة شوية بدل ما
تفضل سهران الليل بطوله و انت مش مركز و قاعد تذاكر برضه !

الراحة
مهمة و لازم تذاكر و انت مركز , و تنال قسط مناسب من النوم.. بس إوعى يبقى
النوم هي و سيلتك المفضلة للهرب من المذاكرة ... انا باقول نام لك شوية بعد
ما تذاكر مذاكرة كتيرة..


التنظيم:


مهم جدا قبل ما
تذاكر , ترتب الورق و المذكّرات و الكتب بتاعتك.. كل مادة لوحدها و كل جزء
لوحده.. عشان تعرف بالضبط (حجم) كل مادة..عشان تعرف بالضبط فاضل لك إيه و
ذاكرت ايه فتقدر تعرف هاتذاكرها في وقت أد إيه.

التنظيم نص
المذاكرة.. لأن الورق لو كله على بعضه , مش هاتعرف تذاكر و هاتيأس و تسيب
المذاكرة و تقوم..لأنك مش عارف راسك من رجليك.. خليك فاكر : التنظيم نص
المذاكرة.


بلاش لخبطة:

أي عمل غير منته في حياتك , ممكن
يخلي بالك مشغول..

فضي نفسك للمذاكرة و بلاش تخلي بالك مشغول في
5638 حاجة !

الضحك :

الحاجات المضحكة عمرها ما بتتنسي..

لو
فيه معلومة معصلجة معاك حطها في نكتة او بص لها كإن دمها كفيف ..

اخترع
النكت و اسخر من المنهج اللي بتحفظة هاتلاقي نفسك بتحبه و عارف تذاكره..

مثال
:

كنا بندرس عن عالم كبير اسمه (مالبيجي) و كان اسمه رخم و مش عارف
احفظة.. أول ما تخيلت انه اسمه (مليجي) بس خواجة.. لقيت العملية سهلة
الحفظ !

اهتم:

من المهم أن تكون مهتما بما تقرأ.. يعني حاسس
انك عايز تعرف المعلومة دي فعلا و عايز تستفيد منها..خليك حاسس بالفضول نحو
الموضوع عشان تلاقيه مسلي.. و حط دماغك في الموضوع ..

قرر:

قرر
إنك هاتحفظ المنهج بنسبة 100% مهما كلفك الأمر , و ذاكر بهذه العقلية و
انت مصمم إن : يا انا يا الأمتحان بقى !

سبب رئيسي بيخلينا مش
عارفين نحفظ , و هو اعتقادنا الداخلي ان ذاكرتنا ضعيفة !

لو آمنت ان
ذاكرتك قوية و قلت كده لنفسك , و قررت إنك هاتحفظ و تستوعب المنهج كله
بأقل تفاصيله, هاتترسخ جواك الفكرة دي .

خليك إيجابي:

حط
خطوط تحت الكلام المهم , لخص النقاط المهمة , سمع لنفسك , ..... اعمل حاجات
ملموسة تحس منها إنك ماشي في الطريق الصحيح و مش سلبي.

ركز في
التفاصيل:

اعتبر كل معلومة صغيرة مهمة .. و اعتبر انك هاتحكي كل
التفاصيل دي لواحد صاحبك بكرة و انتم خارجين مع بعض.. اعتبر إن فيه ناس
صحابك عايزين يعرفوا التفاصيل دي و انك هاتحكيهالهم بكرة..

و خلي
بالك ..

ادي نفسك فرصة انك تنسى شوية .. كل ما تذاكر كتير, هاتنسى
حاجات مش مؤثرة قوي..

لكن لو مذاكر قليل, لو نسيت معلومة واحدة
هاتروح في أبو نكلة !

اتكلم بصوت عالي :

بكده حواس كتير
هاتشتغل على المعلومة دي .. اشرح المعلومة دي لحد , أو اكتبها و اقراها
تاني .. ماتبقاش بس مستقبل سلبي للمعلومة, طلعها من جواك برضه -بأي طريقة-
عشان ترسخ المعلومة أكتر.

المراجعة :

بعد كل ده .. راجع يا
باشا !

و ابقى قابلني لو بأذن الله سؤال وقف قدام سيادتك.

مع
تمنياتي لكم بالنجاح و التوفيق يا شباب...

و ابقوا قولوا لي عملتوا
إيه
avatar
yasser hosny

عدد المساهمات : 39
تاريخ التسجيل : 03/05/2010
العمر : 27

الرجوع الى أعلى الصفحة اذهب الى الأسفل

رد: هاكلمكم النهاردة عن الذاكرة.

مُساهمة من طرف زوزو في الثلاثاء 11 مايو - 0:07

شكرا ليك اوووووووووووووووووووووووى ياياسر موضوع جامد وجاى فى وقته فعلا
avatar
زوزو

عدد المساهمات : 79
تاريخ التسجيل : 09/04/2010
العمر : 21

الرجوع الى أعلى الصفحة اذهب الى الأسفل

رد: هاكلمكم النهاردة عن الذاكرة.

مُساهمة من طرف طارق عصفورة في الثلاثاء 11 مايو - 23:03

فعلا موضوع جميل و الامتحانات قربت و هنجرب الكلام ده

و انا مبسوط لانك نوعت شوية يا ياسر يا ري دايما الى الأمام
avatar
طارق عصفورة

عدد المساهمات : 570
تاريخ التسجيل : 16/02/2010
العمر : 22
الموقع : عين شمس _ القاهرة

الرجوع الى أعلى الصفحة اذهب الى الأسفل

رد: هاكلمكم النهاردة عن الذاكرة.

مُساهمة من طرف bossy في الأربعاء 12 مايو - 7:49

فعلا نصائح مفيييييييييدة جداااااااا
وجات فى وقتها بالظبط
ويااااااارب بالتوفيق لكل اللى امتحانتهم قربت
ومنتظرين المزيد
avatar
bossy

عدد المساهمات : 731
تاريخ التسجيل : 03/04/2010
العمر : 21
الموقع : مجموعة المنشية الكشفية

الرجوع الى أعلى الصفحة اذهب الى الأسفل

رد: هاكلمكم النهاردة عن الذاكرة.

مُساهمة من طرف aha20092003 في الأربعاء 12 مايو - 19:57

الموضوع ده جميل قوي قوي قوي وكانت معلومات جميله بجد وشكرا
avatar
aha20092003

عدد المساهمات : 46
تاريخ التسجيل : 28/03/2010
العمر : 21

الرجوع الى أعلى الصفحة اذهب الى الأسفل

رد: هاكلمكم النهاردة عن الذاكرة.

مُساهمة من طرف soso_sasa في الأربعاء 12 مايو - 22:04

حلوه اوووووووووووى بجد الموضوع ده وهوه فعلا مهم انا عن نفسي بسهر ومبنمش كويس وبنسي بسرعه
avatar
soso_sasa

عدد المساهمات : 429
تاريخ التسجيل : 27/03/2010
العمر : 21

الرجوع الى أعلى الصفحة اذهب الى الأسفل

رد: هاكلمكم النهاردة عن الذاكرة.

مُساهمة من طرف Ninja في الخميس 13 مايو - 6:28


Ninja

عدد المساهمات : 1
تاريخ التسجيل : 11/05/2010

الرجوع الى أعلى الصفحة اذهب الى الأسفل

رد: هاكلمكم النهاردة عن الذاكرة.

مُساهمة من طرف aha20092003 في الخميس 13 مايو - 11:00

هو انا بنسي بسرعه بس بنام كويس برده
avatar
aha20092003

عدد المساهمات : 46
تاريخ التسجيل : 28/03/2010
العمر : 21

الرجوع الى أعلى الصفحة اذهب الى الأسفل

رد: هاكلمكم النهاردة عن الذاكرة.

مُساهمة من طرف yasser hosny في الخميس 13 مايو - 14:36

تصبح على خير انا بنااااااااااااااااااااااااام كويس
avatar
yasser hosny

عدد المساهمات : 39
تاريخ التسجيل : 03/05/2010
العمر : 27

الرجوع الى أعلى الصفحة اذهب الى الأسفل

رد: هاكلمكم النهاردة عن الذاكرة.

مُساهمة من طرف ميدو سكوت في الخميس 13 مايو - 19:46

الحمد لله احنا عدينا مرحلة المذاكرة

بس ....!!!


يارب الموضوع يفضل موجود لما ابدا
فى الدرسات العليا عشان اخد منه شوية نصايح
avatar
ميدو سكوت

عدد المساهمات : 709
تاريخ التسجيل : 20/02/2010

http://www.sonosartgroups.all-up.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى